荼毒心靈的課程

(呢篇文章想講好多年，比 【荼毒心靈的秘密】一文更早想寫。)

世上好多妖言惑眾既人，呢類"潛意識/心理學/吸引力法則/NLP/自我管理"...等等巧立名目黎cap水既所謂課程, 究竟荼毒左幾多人？



近呢幾年唔知點解遇到好多讀呢類課程既人（絕不希望係個趨勢），雖則響不同城市、不同機構報讀，但課程共通點都相近，都鍾意用愛、團結黎包裝，重加多少少慈善野務求落重藥令人落疊。而報讀既朋友亦有共通點：心靈脆弱、自信心不足、容易迷失、想不勞而獲.....

被洗腦既人，唔會覺得自己被洗腦，但身邊既朋友就好痛苦-----因為佢地覺得自己開左竅, 比其他人睇通更多野(實質係無知既井底蛙而不自知)，閒談時每一句說話都只用一套觀念去judge、反駁你，但做就講一套做一套.....的確令人好煩厭，好想幾巴幾巴咁車醒佢地，甚至絕交。(雖然亦戥佢地可悲）

真係有決心改變自己，書局有大量呢類書籍，唔洗特登洗大舊錢叫人虐待自己；想事業、人生各方面順利，最重要係你既品行, 參考下孔子莊子就得。

至於點解當事人會被洗腦？

正正因為本身性格/ 觀念上有問題，例：自私、霸道、衝動、唔識感恩.....
當上完堂"學以致用"響生活上，發覺人際關係、情侶關係、事業等(好似)改善左, 個人positive左，好自然就當個導師/課程神咁拜，繼而愈陷愈深當真理。

利用人既脆弱心去搵錢，其實好可恥。

P.S. 細個就聽到顧生呢個名, 佢呢廿幾年都應該搵唔少。